 |
 |
 |
|
|
|
|
|
A XUNTA AXUDARÁ AO NOVO IMPULSO DA CANDIDATURA
CONXUNTA Á UNESCO
Na busca da "segunda xeración" da cooperación
galego-portuguesa [08/03/2006 14:13] A "gran
oportunidade" da colaboración entre Galiza e o Norte de Portugal vén
sendo habitual en declaracións formais e discursos de líderes de todos
os grupos políticos nos últimos anos. Así e todo na práctica, os
organismos xa constituídos veñen amosando claros défices na súa
actividade e así o recoñecían hai pouco desde a propia secretaría xeral
de Relacións Exteriores. O presidente da Xunta afondou un chisco este
mércores no Parlamento no proxecto do bipartito para o impulso da
cooperación na eurorrexión. De paso anunciou que o bipartito apoiará
outra vez diante da Unesco a candidatura do patrimonio
inmaterial galego-portugués. "Sabemos ben das dificultades que pode atravesar, nun
momento determinado, o país veciño, pero iso non debe impedir que
traballemos con vocación de futuro, e que a Eurorrexión non sexa o motor
e a garantía do impulso, dos proxectos estratéxicos pendentes". Emilio
Pérez Touriño referíase así e de xeito moi concreto ao futuro da
infraestrutura ferroviaria entre Galiza e Portugal, que na súa opinión é
"prioritaria e fundamental" para o camiño conxunto da
eurorrexión. Lembrou ao respecto o grupo de traballo constituído no recente cumio de Évora entre as administracións española e portuguesa para o estudo desta infraestrutura e avanzou que nesa avaliación hai xa dous representantes da propia comunidade de traballo Galiza-Norte de Portugal. De xeito paralelo, a Xunta e a Comisión de Coordinación de Desenvolvemento Rexional do Norte de Portugal asinaron tamén "un protocolo de colaboración para a elaboración dun estudo sobre o enlace ferroviario de altas prestacións entre Vigo-Porto". Dese informe sairá ademais unha valoración económica das perdas económicas que a eurorrexión afrontaría de non executarse esa obra a curto prazo. Outros eixos estratéxicos Touriño referiuse especialmente ás posibilidades para a creación dun espazo económico "definido pola innovación e o desenvolvemento tecnolóxico", indicando que "a nova sociedade do coñecemento onde teñen que estar Galiza e o Norte de Portugal ten dous piares esenciais: a innovación tecnolóxica e o capital humano". Nese contexto destacou a iniciativa conxunta de creación en Braga dun centro internacional de excelencia en materia de investigación e desenvolvemento tecnolóxico e o proxecto de desenvolvemento dunha Plataforma Tecnolóxica do Mar. No mesmo sentido, avanzou que se estimulará o intercambio entre as uiversidades ás dúas beiras do Miño e anunciou que en xuño se celebrará un encontro científico-tecnolóxico Galiza-Norte de Portugal. A prol do patrimonio inmaterial "As oportunidades son múltiples e variadas, sustentadas polos estreitos vínculos que existen entre Galicia e o Norte de Portugal", subliñou o presidente da Xunta referíndose á necesidade de elaborar estratexias que "reforcen o campo turístico, audiovisual e cultural", vontade que incluirá o apoio de novo á candidatura promovida por Ponte nas Ondas para a declaración pola Unesco como obra mestra da Humanidade do patrimonio inmaterial galaico-portugués. Ligazóns relacionadas:  Os alcaldes do Eixo Atlántico insisten en que o novo tren
Vigo-Porto relanzaría a economía A
Xunta busca o reaxir da comunidade de traballo galego-portuguesa e a
redefinición da Fundación Galiza-Europa
Hai 0 comentarios para esta nova. Le os
comentarios e participa 
OUTRAS NOTICIAS Semana da Galiza en Braga Fantasporto abre co primeiro filme
portugués na súa sección oficial Manuel Alegre diz sentir-se tratado
como "inimigo" dentro do PS Nasce en Lisboa a "Associação de
Solidariedade com a Galiza" Governo de Sócrates nomeou 2.148
pessoas em 11 meses Mari Alkatiri
lança em Portugal livro sobre primeiros anos de governação em
Timor
Forças Armadas de São Tomé recolhem
armas em poder de civis O exemplo
chileno Reaxir de Lula nas
sondaxes co impulso da economía Un xuíz impide a primeira voda lésbica
de Portugal |
|
|
|
|
| |||||||||||||||||||||||
| ||||||||||||||||||||||||||||||||