 |
 |
 |
|
|
|
|
PATRIMONIO INMATERIAL
Promocionan en París a candidatura do patrimonio
galego-portugués [17/11/2005 17:09] A
comisión promotora da candidatura do Patrimonio Inmaterial Galego-Portugués
realiza este venres en París os últimos actos de presentación desta
iniciativa, que o próximo 25 de novembro poderá ser declarada pola UNESCO
Obra Mestra da Humanidade. Logo de ser presentada en Bruxelas, Madrid,
Santiago, Ourense, ...e Lisboa, París é a última cidade onde recala a
Comisión promotora antes de coñecermos a resolución da
UNESCO. Viaxarán ata a capital de Francia Santiago Veloso,
Presidente da asociación Ponte...nas Ondas!, Lourdes Carita, Promotora da
Candidatura en Portugal, Luísa Márquez, Coordinadora das Escolas Asociadas
á UNESCO en Galicia, e Ana Miranda, voceira do BNG no Parlamento Europeo.
Acude tamén Luís Bará, Director Xeral de Creación e Difusión Cultural da
Xunta. Durante dous días a Delegación da Comisión Promotora da Candidatura levará a cabo unha serie de reunións e encontros para expor os pormenores deste proxecto tanto a institucións e entidades vinculadas con Galicia e Portugal en Francia, coma ao público en xeral, en particular a ampla comunidade galega e lusa que reside en Francia. O Instituto Camões e o Instituto Cervantes van ser os dous lugares nos que se faga a presentación ao público en xeral. Neste último contarase tamén coa actuación musical da artista galega Mercedes Peón, que ten realizado un amplo traballo de recuperación da tradición musical. A axenda de Paris comeza o venres pola mañá cunha reunión co Embaixador de Empaña ante a UNESCO, Jose María Ridao. Posteriormente os promotores da Candidatura reuniranse no Sector Educación da UNESCO con Sigrid Niedermayer, Directora Xeral do Programa das Escolas Asociadas da UNESCO e con Jean O´Sullivan, Responsable de Publicacións da área de Educación. Rematarán a xornada do venres cun encontro co escritor xornalista galego Ramón Chao, un dos asinantes do manifesto de intelectuais europeos a prol da Candidatura. Ligazóns relacionadas:  O valor do inmaterial
Hai 0 comentarios para esta nova. Le os comentarios e
participa 
OUTRAS NOTICIAS Fraga di que historia xulgará de xeito
"positivo" a Franco "Eramos a excepción
no Estado español" Os detidos na Operación
Castiñeira poderían estar retidos até cinco días antes de
declarar
A APDR di que Ence "fai o agosto" cos
incendios mercando madeira queimada a baixo prezo Barreiro e Núñez Feijoo brincan
(oficialmente) á rede O Movemento polos
Dereitos Civís pide explicacións pola "desproporcionada operación"
Castiñeira Ponte... nas ondas!, bos e
xenerosos ERC pacta co goberno
español un fondo para liberar peaxes Os presidentes das deputacións en poder
do PPdeG non queren render contas no Parlamento galego Denuncian que a policía inglesa usou
armas ilegais no asasinato do electricista
brasileiro |
|
|
|
|
| ||||||||||
| |||||||||||||||||||
